Kalaallisut

Programmerpaaloqarlunilu softwareqarpoq ukiukitsut illersornissaannut atorsinnaasannik. Assersuutigalugu programmit nittartakkanut spillertarfinnut imaluunniit nittartakkanut aalajangersimasunut isernissamut isitsaaliuisinnaasut.
Angajoqqaajuguit nalunagulu meeqqavit computeria, tabletia imaluunniit smartphonea angajoqqaap sakkussaanik peqariinngitsoq aaku periarfissaasinnaasut pingasut:

• Betfilter (http://www.betfilter.com) – Programmi nittartakkanut spillerfiusartunut isitsaaliuisartoq.
• Netkablet (https://www.netkablet.dk/bloker-hjemmesider-midlertidigt-den-nemme-losning-til-fokus) –Programminut ikiuutaasunut assigiinngitsunut qallunaatut ilitsersuut.
• Net Nanny (www.netnanny.com) – Programmi internetsimi imarisanut meeqqanut tulluanngitsunut isitsaaliuisartoq.

Tivoli Casinomi spillit aliikkutassat neqeroorutigisarpagut, akisussaassuseqartumik toqqammaveqartillugit – tassa nammineq aqutsinissamut tunngavissaqarluarputit, spillernermillu ulluinnarni inuuninni naalagarsiortinnaveersaarsinnaallutit. Qupperneq manna nammineq aqutserusuttumut ikorfatut atugassiaavoq (Aqutsineq iperarnagu) imaluunniit unillatsiarusuttumut (Unillatsiarit). Aamma maaniippoq qanigisat ikiortissarsiorfiat (Qanigisat ikiortissarsiorfiat) aamma illit ikiortissarsiorfigisinnaasat qanigisavit ilaat ataaseq akornutigisaminik spillertariaaseqalersimappat.

Akornutigisannik spillertariaaseqarpit? Imminut misilitsilaariarit ikiortariaqarnersutillu paasillugu.

Apeqqutit uku 10 akinerisigut imminut misilitsissinnaavutit.

• Ajugaanngikkaangavit tunniutiinnarsimasutut misigisimasarpit?
• Aningaasaataarutivinnissat kontovillu imaarutivinnissaata tungaanut spillertarpit?
• Annaasimasatit utertikkumallugit immeraannermut akiliutigisatit qaffattarpigit?
• Spillernermut piffissaq angivallaartoq atortarakku ikinngutivit ilaquttavillu isorisarpaatsit?
• Piffissaq aningaasallu spillernermut qanoq annertutigisut atortarnerlugit ilaannikkut sallusarpit?
• Spillerumanermik atuariartornak, suliartornak imaluunniit qaaqquneqarsimagaluaraangavit angerlarsimaannartarpit?
• Spillernermik ikinngutit ilaquttallu soqutigiunnaarsimavigit?
• Annaasimasatit tuaviornerpaamik eqquillutit utertittariaqarlugit ilaatigut misigisimasarpit?
• Spillernerit qimattariaqaleraangakku arrattarpit?
• Spillertarnerit pissutigalugu assut nikallungasarpit imminornissallu eqqarsaatigisarlugu?

 

Apeqqut ataaseq amerlanerilluunniit ’aap’-imik akisinnaagukkit innersuussutigissavarput siunnersuisinnaasumut saaffiginnissasutit. Uani ikiorneqarsinnaavutit (Uani ikiorneqarsinnaavutit).

Uagutsinni spillertartut ilaanni isumakulunnartumik spilleriaaseqartoqarsinnaanera takusinnaaleraangatsigu saaffigisinnaavarput oqaloqatigisalerlugulu.

Apeqqutissaqaruit imaluunniit ikiortariaqaruit Atuisartunut Kiffartuussivik aqqutigalugu una toorlugu saaffigisinnaavatsigut (Attavissaq).

Nittartakkami matumani makku pillugit paasissutissat aamma pisinnaavatit:

• Tivoli Casinop pisussaaffia (Pisussaafferput)
• Ukiukitsunik illersuineq (Ukiukitsunik illersuineq)

Uagutsinni spillertartut tamaasa spillertarnerminnut killiliisarnissaat kaammattuutigaarput. Min Konto-p (Kontora) ataani akiliutissat killilersinnaavatit assigiinngitsut sisamat nalaanni:

• Akiliuteqarnissap killinga: Aningaasat qanoq amerlatigisut akiliutigineqartussat.
• Annaasaqarnissap killinga: Aningaasat qanoq amerlatigisut annaaneqartussat.
• Immeraatigisassat killilernerat: Aningaasat qanoq amerlatigisut immeraatigineqartussat.
• Piffissap killilernera: Minutsit qanoq amerlatigisut isersimaffigiumanerlugu.

   

Aningaasat amerlassusaat sukkulluunniit allanngortissinnaavat kisianni killiliussat qaffakkukku allannguut aatsaat nalunaaquttap akunneri 24 qaangiuppata atuutilissaaq. Aningaasat amerlassusaat appartikkukku erngiinnartumik atuutilissaaq.

Spillertarneq unitsilaartariaqarallarlugu misigisimaguit ’imminut mattunneq’ atuutsilersinnaavat. Tassaavoq ’nillorsarfik’, qinersinnaavallu nal. ak. 24-niit qaammatit 3 tungaannut mattunneqarnissat. Taamaaliorniaruit Min Konto-p (Kontora) ataani Imminut mattunneq (Imminut mattunneq) toorlugu immikkoortortaq tassaniittoq iserfigissavat.

Nillorsarnerup nalaani spillertarnermut kontuutit iserfigisinnaanngilat. Piffissaliussat qaangiuppat kingumut spillertarnermut kontuutit iserfigeqqissinnaalissavat Tivoli Casino-milu spillersinnaallutit.

Spillerneq qaammatit 3 sinnerlugit unitsittariaqassagukku Atuisartunut Kiffartuussivitsinnut Kundeservice-mut saaffiginnissaatit (Attavissaq).

Register over frivilligt udelukkede spillere. (kajumissutsiminnik spillernissamut imminnut mattussimasunut nalunaarsuiffik)

 

ROFUS tassaavoq Spillertarneq pillugu Oqartussani nalunaarsuiffik internetikkut nittartakkanut spillertarfiusunut qallunaanit ingerlanneqartunut tamanut isitsaaliuisinnaasoq.

ROFUS-imi NemID atorlugu nammineq kajumissusinnik nalunaarlutit imminut ilanngutitissinnaavutit spillernissamut imminut mattukkusukkuit – piffissami killilikkami imaluunniit tamatigut atuuttussamik.

Tulluanngitsumik spillertariaaseqaruit imaluunniit aqunnissaa ajornartittarukku (Aqutsineq iperarnagu) innersuussutigissavarput ROFUS aqqutigalugu imminut mattutissasutit tamakkuninngalu paasisimasalimmut ikiorneqarumallutit saaffiginnillutit.

Annertunerusumik paasisaqarusukkuit una tooruk (Spillemyndigheden).

Center for Ludomani tassaavoq Nunani Avannarlerni ludomanimut katsorsaanermi pinaveersaarnissaanullu suliffeqarfiit annersaat. Tamaani peqqinnanngitsumik spileriaaseqarneq pillugu illit imaluunniit qanigisavit ilaat oqaloqateqarnissamik pisariaqassappat paasisimasalinnit siunnersorneqarlutillu ajoqersuunneqarsinnaavutit.

Katsorsarneqarneq akeqanngilaq Center for Ludomani-lu i Odensemiillunilu, Århusimilu aamma Københavnimiippoq. Aammattaaq Center for Ludomani Kalaallit Nunaanni katsorsarneqarnissamik neqeroortarpoq.

Annertunerusumik uani atuarit.

ROFUS aqqutigalugu imminut mattussimaguit Danmarkimi selskabit internetikkut spillernissamut nittarsaassisarnerinut ’naagga’-arnissaq qinersinnaavat. ’naagga’-arnissamut aaqqissuussaq spillenik neqerooruteqartartut atussanerlugu namminneq kajumissutsimminnik qinigassarimmassuk Spillertarneq pillugu Oqartussat pilerisaarutit tamaasa mattunneqassasut neriorsuutigisinnaanngilaat. Tivoli Casinomi kajumissutsimik aaqqissuussaq taanna ataqqillugu ’naagga’aarnissat qinersimagukku uagutsinniit pilerisaarutinik tigusaqartassanngilatit.

TivoliCasino.dk–mi spilernerit ataasiakkaat pillugit malittarisassani allatigut aalajangersagaqanngippat Spilertup eqqukkaminik tigusisinnaanera ukiut 3 qaangiunneranni atorunnaartarpoq. Tamanna pisoqalisoorneq pillugu inatsimmi pisoqalisoornissamut piffissaliussanut nalinginnaasunut naapertuuppoq. Pisoqalisoornerup naatsorsorneqarfia piffissami Spilertup eqqukkaminik tigusisinnaalerfianit siusinnerpaamit aallartittarpoq.

Atuisartut saaffiginninniaraangamik aamma TivoliCasino.dk pillugu maalaaruteqassagaangamik tamanna TivoliCasino.dk-p Atuisartunut Kiffartuussivianut Kundeservice-mut pisassaaq uunga Kontakt@TivoliCasino.dk. Inuttut ornigunneq ajornarpoq. Erseqqissaatigineqassaaq nuannaariartarfimmi Tivolimi sulisut atuisartut saaffiginnissutaannik aamma maalaarutaannik tigusisusaatitaannginnamik aamma akissuteqarfigisussaanagit.